မူလက ၂၀၂၁ ခုနှစ်အတွင်း ရရှိလာနိုင်ကြောင်း ခန့်မှန်းထားချိန်ထက်စောပြီး အသင့်ဖြစ်နိုင်တယ်လို့ ဆိုပါတယ်။တရုတ်အစိုးရပိုင် ဆေးဝါးကုမ္ပဏီက ထုတ်လုပ်ထားတဲ့ COVID-19 ကာကွယ်ဆေးကို အများပြည်သူအတွက် ထိုးနှံပေးရန် ယခုနှစ်ပိုင်းမှာ အသင့်ဖြစ်နိုင်ကြောင်း အစိုးရသတင်းဌာနက ဗုဒ္ဓဟူးနေ့ (ဇူလိုင် ၂၂ ရက်) မှာ ဖော်ပြပါတယ်။

China National Pharmaceutical Group (Sinopharm) ဆေးဝါးကုမ္ပဏီက ထုတ်လုပ်တဲ့ ကာကွယ်ဆေးကို မူလက ၂၀၂၁ ခုနှစ်အတွင်း ရရှိလာနိုင်မယ်လို့ ခန့်မှန်းထားချိန်ထက်စောပြီး အသင့်ဖြစ်နိုင်ကြောင်း သတင်းထွက်ပေါ်လာခဲ့တာ ဖြစ်ပါတယ်။ Sinopharm ဥက္ကဌ Sinopharm က အစိုးရ ရုပ်မြင်သံကြားသတင်းဌာန CCTV ကို ပြောကြားမှုအရ ကာကွယ်ဆေးကို လူတွေမှာ စမ်းသပ်မှု နောက်ဆုံးအဆင့်ဟာ သုံးလခန့်အတွင်း အပြီးသတ်မယ်လို့ မျှော်မှန်းထားကြောင်း သိရပါတယ်။COVID-19 ကာကွယ်ဆေးနှစ်မျိုး စီမံကိန်းတွေကို တာဝန်ယူလုပ်ဆောင်နေတဲ့ Sinopharm ရဲ့ လက်အောက်ခံကုမ္ပဏီ China National Biotec Group (CNBG) က ကာကွယ်ဆေးဟာ အနည်းဆုံး ၂၀၂၁ ခုနှစ်အထိ အသင့်ဖြစ်နိုင်ဖွယ်မရှိကြောင်း ဇွန်လအတွင်း ပြောခဲ့ဖူးပါတယ်။ တရုတ်နိုင်ငံအတွင်း COVID-19 ကူးစက်မှုအသစ် အရေအတွက်ဟာ ကာကွယ်ဆေးစမ်းသပ်မှု နောက်ဆုံးအဆင့် လုပ်ဆောင်ရန် လုံလောက်မှုမရှိတာကြောင့် CNBG က ကာကွယ်ဆေးတစ်ခု အသင့်ဖြစ်နိုင်မယ့် အချိန်ကာလကို ထိုသို့ ခန့်မှန်းထားခဲ့တာလည်း ဖြစ်ပါတယ်။

သို့သော် တရုတ်နိုင်ငံက ကာကွယ်ဆေးစမ်းသပ်မှု နောက်ဆုံးအဆင့်ကို ပြည်ပမှာ လုပ်ဆောင်နိုင်လာခဲ့ရာ ယခင်ခန့်မှန်းအချိန်ထက် ပိုစောပြီး ကာကွယ်ဆေးရရှိလာနိုင်မယ်လို့ ဆိုပါတယ်။ Sinopharm ရဲ့ COVID-19 ကာကွယ်ဆေးစမ်းသပ်မှုဟာ တတိယအဆင့်ကို ရောက်ရှိနေပြီဖြစ်ကာ အာရပ်စော်ဘွားများပြည်ထောင်စုနိုင်ငံ (ယူအေအီး) မှာ လူဦးရေ ၁၅,၀၀၀ နဲ့ စမ်းသပ်မှုတွေ လုပ်ဆောင်နေကြောင်း သိရပါတယ်။ထို့အတူ တရုတ်ကုမ္ပဏီတစ်ခုဖြစ်တဲ့ Sinovac Biotech က ထုတ်လုပ်ထားတဲ့ COVID-19 ကာကွယ်ဆေးကိုလည်း ဘရာဇီးနိုင်ငံမှာ ဇူလိုင် ၂၁ ရက်နေ့မှစပြီး တတိယအဆင့် စမ်းသပ်မှုတွေ လုပ်ဆောင်နေပြီ ဖြစ်ပါတယ်။ CanSino Biologics ကုမ္ပဏီနဲ့ တရုတ်စစ်တပ်သုတေသနဌာနတို့ ပူးပေါင်းထုတ်လုပ်ထားပြီး အလားအလာကောင်းတဲ့ နောက်ထပ် COVID-19 ကာကွယ်ဆေးတစ်ခုကိုလည်း တရုတ်ပြင်ပ နိုင်ငံတစ်နိုင်ငံမှာ တတိအဆင့် စမ်းသပ်မှုလုပ်ဆောင်နိုင်ရန် စီစဉ်နေကြောင်း သိရပါတယ်။

ထိုအတောအတွင်း COVID-19 ကာကွယ်ဆေးထုတ်လုပ်မှုဟာ ကောင်းမွန်တဲ့ အခြေအနေတိုးတက်မှုရှိနေပြီး ဆေးအချို့က နောက်ဆုံးအဆင့် စမ်းသပ်မှုတွေ လုပ်ဆောင်နေပြီဖြစ်ပေမဲ့ ၂၀၂၁ ခုနှစ် အစောပိုင်းအထိ လက်တွေ့အသုံးပြုရန် မမျှော်လင့်နိုင်ကြောင်း ကမ္ဘာ့ကျန်းမာရေးအဖွဲ့အစည်း (World Health Organization – WHO) မှ ကျွမ်းကျင်သူ ဒေါက်တာမိုက်ဘရိုင်ယန်က ဇူလိုင် ၂၂ ရက်နေ့မှာ ပြောခဲ့ပါတယ်။WHO ကျွမ်းကျင်သူရဲ့ ပြောကြားမှုနဲ့ ယခုနောက်ဆုံး တရုတ်အစိုးရပိုင် Sinopharm ကုမ္ပဏီရဲ့ ပြောကြားမှုတို့အရ ကာကွယ်ဆေးအသင့်ဖြစ်နိုင်တဲ့ အချိန်ခန့်မှန်းချက် ကွဲလွဲနေခဲ့ပြီး အမှန်တစ်ကယ် ကာကွယ်ဆေးတစ်မျိုး အတည်ပြုနိုင်မယ့်အချိန်ကို ဆက်လက် စောင့်မျှော်ရမှာပဲ ဖြစ်ပါတယ်။ယမန်နှစ် ဒီဇင်ဘာလကုန်က တရုတ်အလယ်ပိုင်း ဝူဟန်မြို့မှာ စတင်တွေ့ခဲ့ရတဲ့ COVID-19 ကူးစက်မြန် ကပ်ရောဂါဟာ ခုနစ်လနီးပါးအတွင်း ကမ္ဘာတစ်ဝန်းရှိ လူဦးရေ ၁၅ သန်းကျော်ကို လျင်မြန်စွာ ကူးစက်သွားခဲ့ပါတယ်။ လက်ရှိအချိန်အထိ ထိုကပ်ရောဂါကြောင့် ကမ္ဘာတစ်ဝန်းမှာ သေဆုံးသူ ၆၃၂,၀၀၀ ကျော်နဲ့ ပြန်လည်သက်သာသူ ၉.၄ သန်းကျော်ရှိခဲ့ပါတယ်။ COVID-19 ကပ်ရောဂါ အကျပ်အတည်းကို ဖြေရှင်းရန်အတွက် ဘေးကင်းပြီး ထိရောက်တဲ့ ကာကွယ်ဆေးတစ်မျိုး ထွက်ပေါ်လာရေး တစ်ကမ္ဘာလုံးက မျှော်လင့်နေကြပါတယ်။

Leave a Comment

Your email address will not be published. Required fields are marked *